Orain dela hiru
urte Euskal Dantzen irakasle izateko gonbidapena egin zidaten eta horretan
dihardut oraindik ere. Bertan, hainbat egoeratara moldatzen ikasi behar izan
dut, adibidez baliabideak bilatzen ikasi behar izan dut haur guztiek pausuren
bat ikas dezaten.
Hainbat umerekin
egiten dut lan, haien artean desberdinak direnak eta gauzak ulertzeko baliabide
desberdinak dituztenak. Egunero egon behar dut bakoitzari moldatzen eta uste
dut hori oso baliagarria dela etorkizunean eskola batean irakasle izateko. Hala
ere, ez dut uste ikasi dudan gauza bakarra izan denik, eta hortan sakondu
nahiko nuke, baita egunerokoan izaten ditugun egoerei esker ikasten dugunaz
baliatzen, haurrei irakasteko edota gurasoekin tratatzeko.
Nire ustez, irakasle
izaten ikasteko gauzarik garrantzitsuenetakoa moldatzen ikastea da. Irakaslea
da haurrari moldatu behar zaiona eta ez alderantziz. Haur bakoitzak bere
gaitasunak ditu eta batzuetan lehena izango dena ulertzen, besteetan azkena
izango da, beraz ezin dugu aldi guztietan berdin jokatu, moldatu egin behar
gara.
Betidanik izan dut
pertsonekin tratatuko zuen lan bat izateko gogoa, gehienetan haurrei
bideratutakoak, baina dantzako irakasle naizenetik egunetik egunera haurrekin
lan egiteko gogo gehiago jartzen zaizkit, elkarrekin ikasteko gogoa.
Tailer honen bidez
egunerokoan ikasten duguna ikastetxe barrura moldatzen ikastea gustatuko
litzaidake, bai haurrekin ikasteko baita gurasoekin tratatzen jakiteko ere.
No hay comentarios:
Publicar un comentario